: 阿嘉花

不少基層父母都有申領書簿津貼,今時今日讀書,有書有簿有鉛筆擦子膠,已經不夠滿足學童發展的基本需要,還要電腦做功課、網做小校園練習,甚至乎,部份中學開宗明義指課外活動是升中面試的考核成績之一。媽咪為子女成材,補貼補到想儲個錢都難。

教育輔助社署俾?

教育局書簿津貼所資助項目(例如將課外活動計落條數度?),已經十年都無檢過,但教育所需的資助,卻由另一個政府部門──社署,由2005年開展一個撥款有限、名額有限的地區青少年發展資助計劃,輔助弱勢青少年的發展需要。亦即是,獲審批書津的基層學童裡,再分為無咁弱勢比較弱勢,爭餐死

這個計劃分兩部份:一個是地區計劃的撥款資助,讓青少年以參加課外活動(體藝活動、義工訓練、職業培訓等),另一個就爭崩頭了--一個上限1500元的現金援助(報銷用,可購買書籍、參加課外活動等等)。

神神祕祕千五蚊

1500元報銷津貼,神神祕祕,有家長去青少年中心問社工,再問學校社工,都說不知道或者支吾以對,或死咬唔放地追到社署,社署就話申請資格要本身有個案再由社工審批喎。

何謂有個案呢?就是本身有家庭問題找社工求助,而社工又一直跟進中的家庭。至於一般自己找上門申請津助的基層或弱勢青少年,除非運氣好或者本身夠惡,否則食檸檬機會極高。

看到這裡,你可能心諗:我本身屋企無問題喎…無社工跟開喎…咁我咪無得申請?同埋我唔想見社工喎,我又無問題… 筆者又聽過幾個家長話:咁係咪要返去打老公先有津貼囉呀?做乜要有個案先申請呀?

貧窮就是低收入家庭的問題

各位家長,如果你正領取全額書簿津貼,其實已證明你經過了學生資助辦事處的經濟審查假設你一家四口,領取全額書津意味你收入低於九千。咁都唔叫窮,真係無陰了。而貧窮,正正是一個家庭的經濟問題(即係家庭問題啦),兒童發展上必經的困難,領取這筆津貼,正是預防更嚴重的家庭問題洐生

如果去到各區綜合家庭服務中心,仍然被留難,就將你的經濟困難和盤托出,請社工跟進啦,若然她解決不了低工資、長工時、開工不足等問題,就請她批出這筆津貼吧。

窮都仲唔夠,原來仲要被人問有無個案、有無社工跟進緊,先有得申請果千五蚊,家長嬲爆,其實都難免,但嬲還嬲,化悲憤為力量呀!

About these ads