陳： 陳太 花：花夫人

陳：唉…班高官搞到香港笠笠亂，阿明仔七月一日居然跟同學去左遊行喎！激死我喇！

花：遊行好小事啫，日日都有人遊行架啦！平時警察都有上街啦！大個仔參與下係好事呀，對周圍既事不聞不問，先至得人驚呀！

陳：但係次次遊行都搞到咁激！俾人拉左點算呀？半夜三更去差館保釋佢呀？諗起都驚呀！

花：莫講話示威比人拉啦，其實一般差人話你犯事但你係無辜既，都可以有唔同方法應對既～～有無聽過「踢保」呀？

陳：踢保？？？乜嚟架？？？

花：嗱！就咁既！一般差人拘捕你之後，就會保釋啦，然後耐唔耐就去報到、續保架嘛！

陳：喔喔。

花：咁等報到呢段日子，你唔知差人起唔起訴你啦，好似遊行留守被人拉咁，人地想恐嚇下你既，咪唔起訴你住，諗住你呢段時間乖乖地唔好再出黎囉。

陳：咁你等緊報到，人地又未決定起唔起訴你，梗係要乖D唔好搞事啦！

花：但係你要報到到幾時呀？每個月一次，唔駛番工、唔駛番學咩，同埋佢係有證據既，佢咪起訴你囉，拖住拖住咁，係咪超大心理壓力先！

陳：咁又係喎，都要搵食呀上堂架嘛，有無得唔報到架？乾脆認左佢定點先？

花：嗱你無做過，就千企唔好認！咩係「踢保」呢？「踢保 」就係：而家我放棄保釋！如果有證據，就係起訴我，如果唔係就放人！寧願被差人拘留我48小時，都要差人終止無了期的保釋，

陳：即係唔再等落去，你一係就告、一係就唔告，唔俾差人玩野？

花：聰明喇，就係咁！

陳：咁又幾好喎，與其一個月請一日假，倒不如搵個周末坐爆四十八小時啦，忍一時之苦，話唔定搏到差人唔起訴哩！

花：其實好多人都係咁做架！又真係搏到無罪釋放喎！下次被無理拘捕，咪試下囉！

陳太：唔唔…… 阿仔咁有性格，平時又關心社會，遲早都可能會咁架喇，而家未雨綢繆，算係個心安定D啦，我同佢講下可以咁做先。

花：而家官逼民反呀，你包容個仔多D，佢條命係佢的，你都好難迫佢，比佢獨立思考、發展下，好過第時佢做咩都唔同你講啦，做父母既開通D，親子關係都好D啦。

陳太：咁又係喎，我同個仔不知好傾過佢同老豆幾多倍呀，佢有咩都寧願同我講，唔話俾老豆知架。